жылжымайтын бөгеу атысы

жылжымайтын бөгеу атысы
(Неподвижный заградительный огонь)
шабуылдаушы (қарсы шабуылдаушы) қарсыластың қозғалыс жолын тұтас от шымылдығына ұқсатып артиллериядан атудың бір түрі. Қарсыласты шығынға ұшырату, оның ілгерілеуіне жол бермеу, ұрыс тәртібін бұзу және оны басқа құралдармен жоюға қолайлы жағдай жасау мақсатымен бір шепте жүргізіледі. Ж.б.а. Бірінші және Екінші дүниежүзілік соғыстар кезінде көп қолданылған және қазіргі таңда да өз маңызын жоғалтқан жоқ. Қорғаныста Ж.б.а. қапталдар мен түйісулерді қамтамасыз ету үшін, сондай-ақ қарсыластың алғы шебі мен қорғаныс түкпіріндегі жаяу әскері мен танктерінің шабуылын тойтару үшін, шабуылға шыққан өз әскерлерінің ашық капталдарын қамтамасыз ету және басып алынған шептерді бекіту үшін қолданылады. Кеңес армиясында Ж.б.а. жер үсті бақылау пункттерінен бақыланатын шептерде алдын ала алғы шептің алдына, қапталдар мен қорғаныс түкпіріне дайындалады. Ж.б.а-на жүргізуге қорғанып жатқан құраманың (бөлімнің) реактивті артиллериясынан басқа барлық артиллерия тартылады. Мұнда әрбір дивизионға (батареяға) ені әр зеңбірекке немесе минаатарға 50 м-ден келетіндей етіп есептелген учаскелер белгіленіп беріледі. Ж.б.а. өз әскерлерінен ең кемі 300—500 м қашықтықта болуы керек. Бұл оларды снаряд жарылыстарынан қауіпсіздендіреді, сондай-ақ қарсыластың Ж.б.а-нан өтіп кеткен танктері мен бронетранспортерлерін (ұрыс машиналарын) танк жойғыш құралдармен тура, дәлдеп атуға мүмкіндік береді. Ж.б.а-ның әрбір шебіне шартты атау беріледі. Ж.б.а. қарсыластың жаяу әскері мен танктері белгіленген шепке жақындағанда ашылады және жаяу әскер танктерден бөлініп, шабуылын тоқтатқанша көшпелі атыспен жүргізіледі. Егер қарсыластың жаяу әскері Ж.б.а. шебін айналып өтуге тырысса, атыс қарсылас шабуылының (қарсы шабуылының) жаңа бағытына қарай ауыстырылады. Ж.б.а. артиллериядан атудың басқа түрлерімен және мотожаяу әскерлер мен танктердің атысымен үйлестіре жүргізіледі. Егер Ж.б.а. әсерінен қарсыластың жаяу әскері жатып қалса, оны шоғырланған атыспен атады; Ж.б.а-нан өтіп кеткен танктерді тура дәлдеп атып жояды. Қарсыластың қарсы шабуылын тойтару үшін теңіз десантын түсіргенде, Ж.б.а-н жүргізуге атыспен қолдау кемелері тартылады. Олар Ж.б.а-н десант әскерлері командирінің (жалпы әскери командирдің) тапсырысында көрсетілген учаскеде (шепте) жүргізеді. Қарсыластың теңіз десантын түсіруіне жол бермеу үшін Ж.б.а-н жүргізуге, десанттан қорғаныс жоспарына сәйкес, жағалаудағы артиллерия бөлімдері де қатысады.

Казахский толковый терминологический словарь по военному делу. — Мектеп.

Поможем написать реферат

Полезное



Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»